مردُونِ کدیم

بَ کُربُن همت بلندت باگَپو که وا ای سن و سالت نَت گُ الان غایه استراحت مِن و حالا وخت کار کردنِ چوک ُون بودی ، ای دستُون سزاور بوسه ن و ایشون بایَ الگوی جَوُنُن بشن تا بدونن نُونِ حلال که اَگن این ، ایشون نسلی ن که وا دیریا و کُوش و شمال و سهیلی و نعشی و لُوار رشد شو کردی و افتخارشون کماتی و مائی کُشی و پامُغی بودن ، خاتِن رو گفاره و زندگی داخه سرگ و کرگین بودی ،چهم شون دمبال مال کسی نبودی و کَت نُونی که داخه سفره هسته بعد مطمئن بودن سیری همساده شو اَخارده ، ایشون نسلی ن که چن سال دگه فکط بایَ دمبال دیدن عکس شون بشیم و بعد ایشون دگه کسی بی کماتی و پا مُشتاه رهتن افتخار ناکنت ، کسی دگه اَ کُوش و سهیلی و نعشی و لُوار گپ نازونت ، چولَنگون چن سال دگه نادونن جهله و برنگ چه چیزونی بودن و شاید کسی دگه لُو تیو هم نریت که کلاس شون زیر اتات ، ولی مطمئن بشی دیریا هم مرد دیریا شوات و دیریا بی ایشونی که گریس وا سر اَزنن و زیر بُرم خُو اَسن اجازه نادیت نگاهی بکنن چه برست که ایشون بتونن دیریا برن !!!
.....
عکس : ابراهیم جُوذری